رد: صلاح جاهين... أعمالة الأدبية كاملة

من طرف **TOTO** السبت 3 يوليو 2010 - 1:40

وسط الحطام اتفرجوا يا أنـام

وسط الحطام اتفرجوا يا أنـــــــــام
تمثال ملك . و مبوله م الرخــــــام
لتنين نحتهم نفس أسطي الحجــــر
و كانوا ذات يوم كتلتين لسه خــام
عجبي !

من طرف **TOTO** السبت 3 يوليو 2010 - 1:42

يا ملونين البيض في شم النسيـم

يا ملونين البيض في شم النسيـــــم
لون الحنين و الشوق و خمر النديم
ما تعرفوش سايق عليكو النبــــــي
تلونوا الأيام بلون النعيــــــــــــــم ؟
عجبي!!

من طرف **TOTO** السبت 3 يوليو 2010 - 1:44

الدنيا صندوق دنيا .. دور بعـد دور

الدنيا صندوق دنيا .. دور بعــــد دور
الدكة هي .. و هي كل الديكـــــــــور
يمشي اللي شاف ويسيب لغيره مكان
كان عربجي أو كان امبراطــــــــور
عجبي !

من طرف **TOTO** السبت 3 يوليو 2010 - 1:46

قطي العزيز راقد على الكنبـات

قطي العزيز راقد على الكنبــــــات
في نوم لذيذ .. و بيلحس الشنبات
و انا كل عين فنجان مدلدق قلــق
صدق اللي قال إن الحياة منابات
عجبي !!

من طرف **TOTO** السبت 3 يوليو 2010 - 1:47

قالوا السياسة مهلكة بشكل عـام

قالوا السياسة مهلكة بشكل عـــــــــــام
و بحورها يا بني خشنة مش ريش نعام
غوص فيها تلقي الغرقانين كلهــــــــــم
شايلين غنايم .. و الخفيف اللي عـــــام
عجبي !!!

من طرف **TOTO** السبت 3 يوليو 2010 - 1:49

سلام سلام سلام سلام ... سلام

سلام سلام سلام سلام ... سلام
كلام كلام كلام كلام ... كلام
هز الورق يا صاحبي كدهــــوه
يطلع كلام سلام .. و سلام كلام
عجبي !!!!

من طرف **TOTO** السبت 3 يوليو 2010 - 21:34

فوق تحت . ورا قدام . يمين شمال

فوق تحت . ورا قدام . يمين شمـــال
في الجو . تحت الميه . أو في الرمال
طلب الكمال يحرم علي الممـــــــــكن
و الممكنات دول محرومين م الكمال
عجبي !!!

من طرف **TOTO** السبت 3 يوليو 2010 - 21:36

هات يا زمان و هات كمان يا زمان

هات يا زمان و هات كمان يا زمان
غير بسمة الشجعان مامني يــــبان
هو اللي داق الفرحة يوم ثورتـــــه
يقدر يعود و لا ثانية للأحــــــزان ؟
عجبي!!

من طرف **TOTO** السبت 3 يوليو 2010 - 21:38

عبثا باقول واقرا في سورة عبس

عبثا باقول واقرا في سورة عبس
ماتلومش حد إن ابتسم أو عبس
فيه ناس تقول الهزل يطلع جــــد
و ناس تقول الجد يطلع عبـــــث
عجبي !

يومي على الله تنتهي و تغيـب

يومي على الله تنتهي و تغيــــب
الشمس و تعود تاني يوم لهاليب
زي الحياة مأساه و من كترهــــا
بقي لا انتهاءها و ابتداءها عجيب
عجبي !!

علم اللوع اضخم كتاب في الأرض

علم اللوع اضخم كتـــــــــاب في الأرض
بس اللي يغلط فيه يجيـــــــــبــه الأرض
أما الصراحة فأمرها ســـــــــــــــــاهل
لكن لا تجلب المال و لا تصون العرض
عجبي !!!

من طرف **TOTO** الخميس 15 يوليو 2010 - 2:19

قالوا ابن آدم روح و بدنه كفن

قالوا ابن آدم روح و بدنه كفـــــــــــن
قالوا لأ بدن . قالوا لأ ده روح في بدن
رفرف فؤادي مع الرايات في الهــــــوا
أنا قلت لأ روح في بدن في وطــــــــن
عجبي !!!

من طرف **TOTO** الخميس 15 يوليو 2010 - 2:21

أنا كان لي أب . و كان رئيس محكمه

أنا كان لي أب . و كان رئيس محكـــمه
ستين سنة .. في قضية واحدة أترمي
ستين سنة و طلع براءة و خــــــــرج
يشكي الحياة و الموت لرب السمـــــا
عجبي !!!!

من طرف **TOTO** الخميس 15 يوليو 2010 - 2:26

الدرس انتهى

الدرس انتهى لموا الكراريس
بالدم اللى على ورقهم سـال
فى قصـر الأمم المتــحدة
مسـابقة لرسـوم الأطـفال
ايه رأيك فى البقع الحمـرا
يا ضمير العالم يا عزيزى
دى لطفـلة مصرية وسمرا
كانت من أشـطر تلاميذى
دمها راسم زهرة
راسم رايـة ثورة
راسم وجه مؤامرة
راسم خلق جباره
راسم نـار
راسم عار
ع الصهيونية والاستعمار
والدنيا اللى عليهم صابرة
وساكته على فعل الأباليس
الدرس انتـهى
لموا الكراريس ..
ايه رأى رجـال الفكر الحر
فى الفكرادى المنقوشة بالدم
من طفل فقير مولود فى المر
لكن كان حلو ضحوك الفـم
دم الطـفل الفـلاح
راسم شمس الصباح
راسم شـجرة تفاح
فى جناين الاصلاح
راسم تمساح
بألف جناح
فى دنيا مليانة بالأشبـاح
لكنـها قلـبها مرتــاح
وساكتة على فعل الأباليس
الدرس انتـهى
لموا الكراريس …
ايه رأيك يا شعب يا عربى
ايه رأيك يا شعب الأحـرار
دم الأطـفال جايلك يحـبى
يقول انتـقموا من الأشـرار
ويسيل ع الأوراق
يتهجى الأسـماء
ويطـالب الآبـاء
بالثـأر للأبـناء
ويرسم سيف
يهد الزيـف
ويلمع لمعة شمـس الصيف
فى دنيا فيها النور بقى طيف
وساكتة على فعل الأباليـس
الدرس انتهى لموا الكراريس

من طرف **TOTO** الخميس 15 يوليو 2010 - 2:29

عناوين جرانين المستقبل

احـنا العـمال اللى انقـتلوا
قـدام المصنع فى ابو زعبل
بنـغـنى للدنـيـا ونـتـلو
عناوين جرانـين المستـقبل:
"وحـدة صـف الأحـرار"
"جـبـهـة لكـل الثـوار"
"عـبور الجـيـش لسـينا"
"الـزحف مـن الأغـوار"
"جـيش العـدوان يتقـهقر"
"الأرض قــايـدة نــار"
"والبـحر قـايـد نــار"
"الاستـعمار أثـبت فشـله"
"البـيت الأبيض لا يخجل"
"إحـنا العـمال اللى انقتلوا"
"قدام المصنع فى أبو زعبل"
بـنـغـنى للدنـيا ونتـلـو
عنـاوين جرانـين المستقبل:
"محـكـمة للـمـجرمـين"
"قائــمة بالمـتـهـمـين"
"إدانـة مسـتر نيـكسون"
"بقـتل الاسـطى ياسـين"
"القــاتل اسـتـعـمارى"
"القـتـلـى وطنــيـين"
"عـمــال مـدنـيـيـن"
"نـصارى ومسـلـمـين"
"مرتكبو المذبـحة يعتـقلوا"
"الحـكم عـى المتهم الأول"
احـنا العـمال اللـى انقتلوا
قـدام المصنع فى ابو زعبل
بـنـغـنى للدنـيا ونتـلـو
عنـاوين جرانـين المستقبل:
"الجـو غــدا يتحـسـن"
"معرض لزهور السـوسن"
"الخطـة الخـمسية تنـفذ"
"مهرجانات النـصر غـدا"
"تصـفـية الصهـيونـية"
"دولـة فلسطين .. تعـلـن"
"دستور وقوانين .. تعـلـن"
"حريـة الدين .. تعـلـن"
"قوس تذكارى جارى عمله"
"طالين منه احنا وح نفضل"
احـنا العـمال اللـى انقتلوا
قـدام المصنع فى ابو زعبل
بـنـغـنى للدنـيا ونتـلـو
عناوين
جرانين
المستقبل

من طرف **TOTO** الخميس 15 يوليو 2010 - 2:33

مرغم عليك يا صُبح مغصوب يا ليل

مرغم عليك يا صُبح مغصوب يا ليل
لادخلتها برِجْليَّا ولا كانلي ميل
شايلنِّي شيل دخلت انا في الحياة
وبكره ح اخرج منها شايلِّني شيل
عجبي !!

من طرف **TOTO** الخميس 15 يوليو 2010 - 2:35

عجبي عليك .. عجبي عليك يا زمن

عجبي عليك .. عجبي عليك يا زمن
يا بو البِدَع يا مبكِّي عيني دَماً
إزاي أنا أختار لروحي طريق
وأنا اللي داخل في الحياة مرغماً
عجبي !!

من طرف **TOTO** الخميس 15 يوليو 2010 - 2:36

سنوات وفايته عليّا فوج بعد فوج

سنوات وفايته عليّا فوج بعد فوج
واحدة خَدِتني إبن والتانية زوج
والتالتة أَب خدتني والرابعة إيه
إيه يعمل إللي بيحْدفُه موج لموج ؟
عجبي !!

من طرف **TOTO** الخميس 15 يوليو 2010 - 2:38

وأنا في الضلام .. من غير شعاع يهتكه

وأنا في الضلام .. من غير شعاع يهتكه
أَقف مكاني بخوف ولا أتركه
ولما بيجي النور وأشوف الدروب
أحتار زيادة .. أيهم أَسلكه ؟
عجبي !!

من طرف **TOTO** الخميس 15 يوليو 2010 - 2:40

نظرت في الملكوت كتير وانشغلت

نظرت في الملكوت كتير وانشغلت
وبكل كلمةْ ( ليه ؟ ) و ( عشانيه ) سألت
اسأَل سؤال .. الرد يرجع سؤال
واخرج وحيرتي أشد مما دخلت
عجبي !!

من طرف **TOTO** الخميس 15 يوليو 2010 - 2:43

غَدْر الزمان يا قلبي ما لهوش أمان

غَدْر الزمان يا قلبي ما لهوش أمان
وحاييجي يوم تحتاج لحبَة إيمان
قلبي ارتجف وسأَلني .. أَأَمِن بإيه ؟
أَأَمن بإيه محتار بقالي زمان
عجبي !!

من طرف **TOTO** الخميس 15 يوليو 2010 - 2:49

كان فيه زمان سِحليَّة طول فَرْسَخين

كان فيه زمان سِحليَّة طول فَرْسَخين
كهفين عيونها وخَشْمَها بَرْبخين
ماتت .. لكين الرعب لم عمره مات
مع إنه فات بدل التاريخ تاريخين
عجبي !!

أختى العزيزة TOTO

شكرا لكى على ابداعاتك

مزيد من التقدم

صلاح جاهين... أعمالة الأدبية كاملة - صفحة 6 100639

من طرف **TOTO** الجمعة 16 يوليو 2010 - 2:15

الغالية نشمية
صلاح جاهين... أعمالة الأدبية كاملة - صفحة 6 398879

كل اللي في الخمّارة صابهم جنون

كل اللي في الخمّارة صابهم جنون
صبحوا الرجال يتبادلوا كاس المنون
وبْدمّ ونبيت انكتب ع الجدار
" يا ميت ندامة ع اللي قلبه حنون "
عجبي !!