طريقة عمل الاكلير بالصور

من طرف حنين السبت 12 يونيو 2010 - 14:21

بسم الله الرحمن ارحيم
هقدم لكم طريقة عمل الاكلير وانا جربتها ونجحت معايا اهم حاجه تمشى صح على الخطوات وان شاء الله تنجح معاكم وتعجبكم
المقادير
ثلاث ارباع كوب دقيق ابيض منخول
ثلاث ارباع كوب ماء دافىء
ربع كوب سمن
ثلاث بيضات
ملعقه صغيره سكر رشة ملح فانيليا
الطريقه
يوضع الماء والسكر والسمن والملح والفانيليا فى اناء على النار حتى الغليان يرفع من على النار ويوضع اله الدقيق ويقلب جيدا وبسرعه بملعقه خشبيه مهم جدا الملعقه الخشبيه حتى يدخل كميه كبيره من الهواء الى العجين تنقل العجينه فى اناء اخر حتى تبرد لمدة دقيقتين ويوضع اليه البيض كالتالى توضع بيضه وتقلب جيدا بملعقه خشبيه الى ان تختفى ثم الثانيه والثالثه بنفس الطريق هتتكون معاكى عجينه لينه توضع بعد ذلك فى كيس التزين وتقطع فى صنيه مدهونه بالسمن ومرشوش عليها رشة دقيق خفيفه جدا ابدائى فى تقطيع الاكلير بالطول الناسب الى ان تنتهى الكميه
ملحوظه
لو معندكيش كيس تزين هاتى كيس عادى وضعى فيه العجين وافتحى فتحه مناسبه واشتغلى بيه مش لازم كيس تزين
طريقة الخبز
ركزى اوى فى طريقة الخبز واوعى تفتحى الفرن فى اى خطوه من الخطوات الى ان ينتهى خبزه عشان لو فتحتى الفرن قبل ما ينتهى الخبز تهبط العجين
شغلى فرنك على درجة حراره 220 ولو فرنك عادى من غير تيمر شغليه على اعلى درجه فيه حطى الصينيه فى الفرن لمدة عشر دقائق على النار العاليه وبعدين وطى على درجة حراره منخفضه جدا لمدة ربع ساعه اطفى الفرن واوعى تفتحيها علطول وطلعى الاكلير سيبيه شويه لمدة سبع دقائق داخل الفرن بعد ما طفيتيها بعد كده طلعيها وهتلاقيها ناجحه معاكى ومرتفعه
الحشو
زى ما تحبى كاسترد او كريم شانتيه
التزين شيكولاته ذائبه
وبالهنا والشفا وادعولى يا رب تعجبكم

طريقة عمل الاكلير بالصور Images-86c28eddc8

طريقة عمل الاكلير بالصور Images-163a98c448

طريقة عمل الاكلير بالصور Images-115a2115cf

[

طريقة عمل الاكلير بالصور Images-6db6bcd407