مواصفات فتاة الاحلام او فارس الاحلام

بسم الله الرحمن الرحيم
هقولكم وببساطه ايه هو تفكير الشباب فى الزوجه المستقبليه
مش دينا ولا خلقا وبحث عن جوهر او مضمون
للاسف معظم الشباب مش هنقول كلهم
هى دى مواصفاتهم للزوجه
زمان ابويا وابوك وجدى وجدك ما كانوش بيشوفوا العروس الا يوم الفرح ويا تطلع حلوه او مقبوله مش هنقول ان فى ست وحشه او حلوه ولكن الست بذاتها تقدر تخلى نفسها حلوه وكانت الحياه مشيه على هذا المنوال
تعالوا بقى نشوف الزمن اللى احنا فيه زمن الانفتاح على البنت الموزه
الشاب
انا عايزها طويله ورشيقه ملفوفة القوام

وشعرها عينيها
بص مش قادر اوصف عايزها زى نانسى ولا سميه الخشاب
يااااااااااااااه لو الاقيها
ويبقى الباشا لا دور على قلب ولا عقل ولا جوهر وميعرفش ان الزوجه الفظيعه دى ليها
طالبات فستان نانسى وسورى يعنى جزمة سميه
وطبعا مش معقول تبوظ جمال ايدها واليك اب فى المطبخ ويبقى المعلم شرب المقلب
البنت
وتفكيرها السطحى وخصوصا ان ابنات عندهم اليومين دول هوس اللبس والميك اب وشفتى المطرب الفلانى ياااااااااه امور اوى ولا الممثل العلانى مش ممكن جان اوى
انا عايزه عريسى يبقى جسمه زى تامر حسنى وشعره زى مهند ومعاه عربيه وشقه ويجبلى ويجبلى ويجبلى انا مش اقل من فلانه
ولو جه عريس مقبول الشكل وابن ناس وتقدم لالالالاانتوا عايزين توتو وميمى واناناس بتريقوا عليا
مش هى دى مواصفات فارس احلامى
جالها فارس احلامها اللى شبه تامر ولا مهند وطلع الله عليه طلع عينه زيغه ومش فى دماغه اولويات البيت ولا حتى زوجه او طفل كل همه نفسه وشكله وبس
وخروجه مع اصحابه ولا يعرف ربنا ولا بيركها هو ده تفكير شاببنا وبنتنا لاسف فى زمن طغت عليه الماديات والسطحيه
ولكن عزائى الوحيد انه يوجد بعض الشباب العاقل والبنات اللى على خلق بس مش عارفين يلاقوا بعض
وبالنسبه للشباب اللى اختاره نانسى وسميه واليسا وغيرهم من صاوريخ الجمال بكره هيقولوا
انا ايه اللى خلانى اتجوز
وتاخدنى على الشقلا رجليه
ما بئتشعايش علشانى عايش عشان ناسحوليا
وماشى يومى ردم وفحت وعندى صبر ما عنديش بخت
ده على رائى عدويه
راجع نفسك اخى انا مش بقلك اختارها دميمه لكن بجانب الجمال دور على الانسانه اللى ممكن تحس بيك وتعيش معاك على اى وضع
تكون على خلق وجوهرها كويس وتعرف تصونك
وانتى كمان اختى دورى على اللى يحتويكى ويتقى الله فيكى وان شاء رب العالمين يكرمنا جميعا
اختكم حنين