لقب عانس

بسم الله الرحمن الرحيم
العنوسه كلمة بتطلق على من تعدوا سن الزواج واغريب ان البنت تبقى فى العشرينات من عمرها ولم تتعدى الثلاثين ويطلق عليها لقب عناس واغريب ان الناس بتجرح جدا لما
بنت ممن يطلق عليهم لقب عانس تروح فرح يااااااااااااااااااااه يقعدوا بقى يكبروا فى وشها واللى تقولها عقبالك من تحت الضرس مش فاهمين انها فهمه وانها جايه غصب عنها بناء على تعليمات الام اللى كمان بتشترك فى جرح بنتها وتقولها كلام من المنقى زى انتى قعدالى البنات بتتجوز وانتى لاء ليه كانها هى اللى بتجيب الراجل وميعرفوش انه رزق من الله عز وجل
غير الاصحاب والارقارب اللى تنخطب وتخبى على صحبتها العانس لا تحسدها وتاخد العناس النصيب الكبير من الجراح يا سبحان الله على البشر
طيب تعالوا نبصلها من زوايه تانيه الشباب دلوقتى بيختاروا مين وايه والاهل اللى بيتاغلوا فى مطالبهم يعنى تيجى تسال شاب ايه مواصفاتك فى البنت اللى انت عايزها يقولك تكون موزه فرس تعبيرات يقشعر ليها الابدان مش مثلا تكون على خلق او من عائله طيبه التفكير بقى سطحى جدا فى زمن الماديات
ولكن ما يصبر بعض البنات ان مفهوم الشباب للبنت الموزه اللى بيتجوزها ياسلام ولا تعرف تطبخ ولا تغسل ولاتصون سر بيتها اختارها شكل لكن يا حرام وقع فى الخيه وبعدين تلاقيه يقولك مش قادر دى ما تعرفش حاجه خالص انا هطلقها وبعد ما كانت نسبة العنوسه اكتر بقت نسبة المطلقات اكتر واكتر وده نتيجه للام اللى بتخاف على بنتها لا يا حرام تتلسع من شغل المطبخ وعدم مفهوم الزواج عند الفتيات كل واحده فكره الزواح انطلاق من قيود الاسره الى حياه ليس بها اى قيود وخد بقى الاخ اللى اختار الشكل اخد اكبر كف على وجهه
مفيش حاجه اسمها عانس ولو يا اختى لم ياتى لكى النصيب فتاكدى ان الله دائما مخبى الخير ويمكن تكونى من حور العين والله الموفق
اختكم حنين