. تصفية قلبك

-في أشياء كتيرة الواحد يفكر فيها قبل رمضان .. زي مثلا .. ناوي أختم القرآن كذا مرة برمضان ناوي اروح الحرم و اصلي التراويح ...ناوي ازور أقاربي من باب صلة الرحم.... الخ ..
-في شي مهم لازم نركز عليه .. ألا و هو
-.. تصفية قلبك من كل الأحقاد و مسامحة كل الناس
-في ناس كتير حيقولو الكلام سهل لكن اللي في القلب يفضل في القلب و انا اتظلمت و انا اتأذيت و أنا ...و أنا ..
-Ok
-حسنًا .. هوه صعب أحيانًا فعلا
-لكن
-بعض الكلام ممكن يساعدك و دا اللي أبغاك تفكر فيه كويس
-قال الله سبحانه و تعالى :"وَلا يَأْتَلِ أُوْلُوا الْفَضْلِ مِنكُمْ وَالسَّعَةِ أَن يُؤْتُوا أُولِي الْقُرْبَى وَالْمَسَاكِينَ وَالْمُهَاجِرِينَ فِي سَبِيلِ اللَّهِ وَلْيَعْفُوا وَلْيَصْفَحُوا أَلا تُحِبُّونَ أَن يَغْفِرَ اللَّهُ لَكُمْ وَاللَّهُ غَفُورٌ رَّحِيمٌ"سورة النور
-الشاهد : " وَلْيَعْفُوا وَلْيَصْفَحُوا أَلا تُحِبُّونَ أَن يَغْفِرَ اللَّهُ لَكُمْ وَاللَّهُ غَفُورٌ رَّحِيمٌ "
-ببساطة كدا .. لو تحب انو ربنا يغفر لك خطاياك ... - و مين فينا ما يحب ؟-... يبقى تعفو و تصفح عن الناس .. وطبعًا اكيد انتا ما حتصفح عن حد طيوب و لطيف و ما أذاك ..
-أكيد حيكون غلط بحقك و ممكن ظلمك ..
-لكن
-انو ربنا يغفرلنا .. دا شيء يستحق المحاولة حتى لو كان صعب ... صح ؟
-و انتا داخل على رمضان و انتا عاوز انو ربنا يكتر حسناتك و يمحو سيئاتك .. عشان كدا نويت تختم القرآن و تصل الرحم و ..و ..و
-صح ؟
-حاول بس .. و الأجر على قدر المشقة
-بالنهايـــة :
-ســــــامح ... عشان ربنا يغفر لك
-ســــامح ... عشان انتا اللي قلبك طيب
- ;) ســـامح اللي يستاهل و اللي ما يستاهل و اللي يسوى و اللي ما يسواش
-عشان انتا اهل المعروف ..- قيل : اصنع المعروف في أهله و في غير أهله..فإن صادفَ اهلهُ فهو اهلهُ و إن لم يصادف أهلهُ ..فأنتَ أهلهُ
-و السلام خير ختام