ارجع ياريس احنا كنا بنهزر معاك

إرجع يا ريس .. كنا بنهزر معاك

إرجع لحسن شكلك هيبقي وحش قدام السادات و ناصر لما يسألوك مشيت ازاي؟

ارجع يا ريس وحشتنا خلقة الواد ابنك جمال

ارجع عشان ننزل التحرير تاني وناكل كنتاكي وناخد 50 يورو كل يوم

ارجع بقوا يطبخوا ع الفحم في اسرائيل

طب ارجع يا ريس واللي اتفرم يتصلح

ارجع يا ريس مش لاقيين اسم لمحطه رمسيس في المترو

ارجع يا ريس دكاترة الضغط والسكر والقلب مش لاقيين شغل

طب ارجع عشان تامر حسني و تامر أمين

ارجع يا ريس انا بقيت بتكلم في السياسة براحتي

طب بص مش مهم ال70 مليار دولار ده احنا شعب بايظ الفلوس دى

لو كانت معانا كنا ضيعناها فى اللبس والمسخرة

ارجع بقه دى شقاوة شعب دا احنا كنا مخنوقين شويه والله الشيطان

دخل بينا ده احنا شعب طيب واهبل

طب احكمنا من عندك هيا مش شرم الشيخ دى تبع مصر برضوا

مش انت اللى معلى رايه الحريه ومقوى الوحدة الوطنية زى الدكتور محمد ثروت مابيقول

ارحمنا وارجع بقي مين اللي هيغير اسم 620 الف مشروع ومدرسة

باسم سعادتك؟

ارجع ياريس شكلنا هنبقي من الدول المتقدمة

يا ريس ارجع انا خايف رغيف العيش يكبر وأنا ناوي اعمل دايت

ارجع بجد دلوقتي لما مبيعجبناش وزير بيتغير والمسئولين اتبهدلوا من بعدك!

إرجع رجعت الميه من زورك .

يعنى خايف ترجع .. طب هات الفلوس اللى سرقتها وخليك عندك