أضحك مع الحكومه المخلوعه

حسنى مبارك تقابل مع عبد الناصر والسادات فى الآخرة
سألوه ( سم ولا منصة) رد: لأأأ فيس بوك

ـــــــــــــــــــــــــــ


بيسألوا أحمد عز من أين لك هذا ؟
رد : هذا من فضل ربى
رد الشيطان : ااااااااااااااه يا.... بتنكى جميلى

ـــــــــــــــــــــــ


مرة حسني بيتكلم مع نظيف فقاله :
قولى بصراحة يا نظيف ومفيش داعى للمجاملة أو النفاق
أمرك يا ريس

الريس : أنا الأفضل ولا عبدالناصر ؟-
نظيف : انت طبعا يا ريس .. جمال مين اللى كان بيخاف من الروس

طيب أنا الأفضل ولا السادات ؟
نظيف : سادات مين ياريس اللى كان بيخاف من الأمريكان
طيب أنا الأفضل ولا عمر بن الخطاب ؟
نظيف : انت طبعا يا ريس .. عمر بن الخطاب كان بيخاف من ربنا .. انت لأ ..

ـــــــــــــــــــ


بيقولك كمال الجنزوري جالو بعد ما شالوا من الوزارة وقالوا عايز أعرف انت
شيلتنى ليه ياريس
قالوا يا كمال يا حبيبي التغيير سُنة الحياه ، قالوا طيب شيلت وزير المواصلات
ليه
قالوا يا كمال يا حبيبي التغيير سُنة الحياة ،
قالوا طيب اومال ليه انت الوحيد اللى مابتتغيرش
قالوا ياحبيبي تغييركم انتم سُنة لكن أنا وجودي " فرض "

ـــــــــــــــــــ


مرة واحد ركب تاكسي ولقي السواق معلق في العربية صور جمال عبد الناصر وانور السادات وحسني مبارك
الراجل استغرب
سال السواق مين اللي انت معلق صورهم عندك
قالة دا جمال عبد الناصر الزعيم المصري الراحل
ودا انور السادات قائد حركة السلام والامن في البلد
ودا حسني مبارك أبو علاء شريكي في التاكسي

ـــــــــــــــــــ


حسني مبارك بيخطب في الشعب فكل شويه واحد يقوم ويقول عاش حسني مبارك موحد الاديان ويقعد يروح حسني مكمل كلامه وشويه ويقوم الراجل ويقول عاش حسني مبارك موحد الاديان

فااتمسك امن دوله وطااااااااخ ويقولوله ايه الي انت بتقوله دا ازاي موجد الاديان دي مصر فيها مسيحين ويهود ومسلمين وطااااااخ فردعليهم يا باشا ماهوه الي مكفرنا كلنا

ـــــــــــــــــــ


مبارك: إيه الأخبار يا شفيق؟؟

قال له: كله تمام يا ريس.
بعنا المصانع وبعنا الشركات وهربنا الأثار وحولنا الفلوس بره ومش فاضل غير الشعب

مبارك: كويس كده، إنقل المسلمين السعودية والمسحيين أمريكا وإقفل وتعالى