زلزال أسمه التحرير

زلزال أسمه التحرير

يا شباب مصر المتحنى بدم الشهده ونهر النيل
يا سواعد حره أبيه رفضت ظلم وقهر ويل

رجعتوا الحريه لشعب ماله الخوف أعوام
زلزلتوا عرش الظلمه وقهرتوا كراسى الحكام
وطلبتوا بالتغير فى ميدان تحرير حققتوا احلام
مين فينا خطرعلى باله أن عياله رجالته الجيل

رجعتوا لمصر كرامه كانت غايبه بقالها سنين
أصبحنا فى عصر شباب والكل يهاب م المصرين
و يناير ويا وشبابها الثاير فخر ليوم الدين
ولا عدش خلاص فيه ظلم ولا كرباج ولا حد ذليل

ولاول مره اختار باردتى ريسنا ولا اخاف
وهيحكم مده أو اتنين وانا هبقى السياف
هنغير فى الدستوروهنلغى الزور وهتكلوا خشاف
ودى كله بفضل ولادنا عشقه بلدنا وهما دليل

وهيبقى عندنا مجلس شعب وشورى من غير زور
وهنلغى من مضبطه موافق اللى بدعها سرور
هنقح فى القوانين والمحتكرين يلبسوا طرطور
ودى كله عاملوا شبابنا الباسل قاد فى اليل قنديل

صفوت مع عز وابن العادلى خونه ونهبوا كتير
غير وزارا رجال أعمال جالهم زلزال أسمه التحرير
فين يوسف والى الظالم ويا الشاذلى أبو كرش كبير
كله له يوم هيعيش فى هموم ربنا جبار وجليل

والجيش المصرى ثبت نصرى ومش أبدا ناسينه
وحمى الثوارما ضربش النار صامد ثابت فى عرينه
شال كل شباب الثوره فى دقه قلبه ورمشه وعينه
ميت الف تحيه لكل الشهده ولجشنا اللى نبيل

م اليوم اياك تدفع تانى رشوه أعرف حقك فين
حارب فى فساد دور ع الزاد خليك صادق وأمين
الثوره دى ضد فساد النفس وفساد الظلمين
دمك يا شهيد فى ينايرعيد ع الفاسد هم وسيل
يا شباب مصر المتحنى بدم الشهده ونهر النيل
يا سواعد حره أبيه رفضت ظلم وقهر ويل


م/ن