اهمية ا لاسنان اللبنية

بسم الله الرحمن الرحيم
امهات كتير مش عارفة اهمية ا لاسنان
اللبنية وبتستهتر بيها على اساس انها اسنان مؤقتة وفى غيرها هيطلع يبقى مش
مشكلة انى اهتم بيها او اعتنى بيها او بعلاجها لو حصل تسويس والاستعجال فى
خلعها قبل ميعاد تبديلها بسنة دائمة ودى حاجة تدل على قلة الوعى
لأهمية الاسنان اللبنية ودورها حتى يحين ميعاد تبديله ولازم نعرف ان ربن ما بيخلقش حاجة الا وليها اهمية
اولا:ايه هى الاسنان اللبنية وامتى بتتكون؟
الاسنان اللبنية
هى اسنان مؤقتة تظهر فى الفم فى الطفولة المبكرة حتى يتم استبدالها بأخرى
دائمة وتبدا فى التكوين و الطفل لازال جنينا فى بطن امه وبالتحديد فى
الاسبوع السادس من الحمل وده يخلينى انوه ان فى ادوية لو اتاخدت اثناء
الحمل بتلثر على تكوين السنة وتخلى لونها غامق وده مالوش علاج لانه بيبقى
عيب خلقى فى تكوين الاسنان منها المضادات الحيوية اللى بتختوى على مادة
التتراسيكلسن
ثانيا:عددها كام وامتى بتبدأ فى الظهور؟
عددها20 فى كل فك 10 يعنى 5 فى كل جنب بتبدأ فى الظهور عند عمر ستة اشهر وتكتمل عند الشهر الخامس والعشرون إاى الشهر الثالث والثلاثون

القواطع المركزية وعددهم2 فى كل فك
القواطع الجانبية وعددهم2 فىكل فك
الأنياب وعددهم 2 فى كل فك
الضروس وعددهم 4 فى كل فك
ثالثا: امتى بيبدأوا فى الظهور وايه هو ترتيب ظهورهم؟
قبل ما اتكلم فى النقطة دى أحب أنبه أن
المواعيد دى مش قاعدة بمعنى انها بتختلف من طفل إلى اخر حسب طريقة توزيع
الكالسيوم فى جسم الطفل يعنى ايه ؟ يعنى الكالسيوم ليه طريقين للقدمين
لبداية الحبو أو المشى أو للأسنان للتسنين يعنى ما ينفعش نقول أن طفل
متأخر فى التسنين وهو أبتدا يحبو أو يمشى ده معناه أن الكالسيوم رايح
لقدمه مش لأسنانه لكن أحب أكئد على نقطة مهمة وهى ضرورة إعطاء الطفل كالسيوم وفيتامين د عند الشهر الرابع من العمر
وده عشان ندعم جسم الطفل بما يحتاجه فى هذه الفترة
طيب نرجع تانى لمواعيد ظهور الأسنان اللبنية
القواطع المركزية:6-12شهر
القواطع الجانبية:9-16 شهر
الأنياب:16-23 شهر
الضرس الاول:13-19 شهر
الضرس الثانى:22-23 شهر

الظهور عادة بيبقى فى الفك السفلى قبل العلوى

كل هذه الاسنان
يتم استبدالها بأخرى مماثلة لها ماعدا الضروس فتكون بدائلها أصغر حجما وما
يطلق عليهاالطواحن وليست ضروسا والضروس الدائمة تظهر وحدها من غير ان تحل
محل ضرس لبنى وتبدا عملية التبديل عند عمر6 سنوات عندما تقوم السنة
الدائمة بدفع السنة اللبنية مما ينتج عنه تاكل جذر السنة اللبنية ولخلتها
من اللثة وده اللى بيفسر ان الاسنان اللبنية عند سقوطها بتبقى من غير جذور
وتستمر عملية التبديل من عمر 6 سنوات حتى عمر 12 سنة وعند عمر 12 سنة
بتبقى كل الاسنان اللى موجود أسنان دائمة

بعد
الكلام الكتير ده نيجى بقى للمهم وهو ايه هو اهمية الاسنان اللبنية وليه
لازم نحافظ عليها حتى ميعاد تبديلها وليه الصداع اللى انا عاملاه ده طالما
فى غيرها هيطلع ومصيرها كده كده انها تتشال طيب ده بقى اللى عايزة كل أم تفهمه وتحطه حلقة فى ودنها
1-تعتبر الأسنان الللبنية عامل أساسى
فى نمو وتكوين تجويف الفم فالأسنان الدائمة تنمو من نفس برعم السنة
اللبنية عشان كده السنة الللبنية بتعتبر المرشد للسنة الدائمة فى ظهورها
2-عضلات وعظم الفك يعتمد على وجود السنة اللبنية للحفاظ على الفراغ المناسب للسنة الدائمة القادمة
3-جذر السنة اللبنية يمثل الفتحة اللى من خلاله تشق السنة الدائمة وتظهر فى الفم
4-الاسنان اللبنية مهمة لنمو وتطور عملية المضغ والكلام لدى الاطفال
5-الشكل والنطق الصحيح مما يعطى ثقة بالنفس للطفل

ازاى نحافظ على الاسنان اللبنية وطرق تنضيفها؟
منذ ولادة الطفل بتبتدى العناية طبعا
كلكم عملتو كده وقولتو ازاى وهى فين الاسنان دى اللى هنعتنى بيها انتى مش
قولتى ان اول ظهور بيبقى عند عمر 6 شهور ايه اللغبطة دى بصى يا ستى انتى
وهى المفروض ان الطفل الرضيع تتمسح اللسة بتاعته بعد لما يرضع بقطنة لان
بيبقى فيه بواقى لبن وده لوفضل بيتخمر ويسبب التهابات فطرية وبتبقى مؤلمة
اوووىىى للطفل
طيب ابتديت الاسنان تظهر ابتدى
نضفيهم بالفرشاة زى ما احنا الكبار بنستعمل الفرشاة لكن من غير معجون
اسنان او ممكن تمسحيهم بقطنة كويس لايجب استعمال معجون الاسنان حتى يتعلم الطفل ان يشطف ويبصق كل المعجون من فمه والكمية لاتتعدى حبة بسلة من معجون الاسنان المدعم بالفلورايد للاطفال تحت سن 6 سنوات

هتكلم عن اعراض التسنين
1-سيلان اللعاب بشكل ملحوظ
2-عدم الراحة وان يصبح الطفل قى مزاج سئ من غير سبب معروف
3-تورم اللثة موضع التسنين
ساعات بيتقال ان الاعراض التالية ايضا بسبب التسنين لكن التسنين لايسببها ويجب الرجوع لطبيب الاطفال لمعرفة سببها وده اعتقاد خاطئ بين الامهات الاعراض هى:
1-إسهال
2-حساسية
3-حرارة
هو الغالب بيكون السبب ان المناعة بتقل فى فترة التسنين فبيبقى الطفل معرضللاصابة بادوار برد أو إصابات اخرى
طيب ايه اللى ممكن تعمله الأم علشان تخفف الالام التشنين اللى بتكون فعلا
مؤلمة للطفل وعشان نعرف هى قد ايه
مؤلمة مش ساعات بتعضى على لسانك وانتى بتاكلى او بتتكلمى او تعضى على خدك
من جوة الفم شوفى قد ايه بيبقى ده مؤلم ده بقى إحساس الطفل ساعة التسنين

طيب نعمل ايه؟
نشوف ايه الحاجة التلقائية اللى الطفل بيعملها لما يبدأ يسنن بيحط ايده او صباعه ويعض عليه هو ده المطلوب!!!!!

ما تستغربوش انتو فهمتونى غلط انا اقصد الضغط
طبعا مش الضغط اللى العيال بيجيبهولنا لأ نووووووو الضغط على اللثة لأنه بيأدى لشعور بالراحة طيب يتعمل إزاى؟؟
بالمساج عن طريق إصبعك الللى طبعاااا نننضضيييف فلة
على اللثة وياريت لو معاه تعملى المساج بفازلين طبى بس تقولى للصيدلى انه
للفم فى الأول هيبقى الضغط بيسبب ألم لكن بعد شوية هتلاحظى ان الطفل هدى
ومستريح