قال لى انا خارج من حياتك قولتلة استنى اوقفلك تاااااكسى

السلام عليكم ورحمة الله وبركاته

عاوزة اخد رأيكم في جملة قريتها في مكان ما.. وفي نفس الوقت حسيتها جدا جدا..
(قاللي انا خارج من حياتك، قلتله استنى اوقفلك تاكسي)
هي ضحكتني في الاول، بس بعد كدة فكرت فيها كويس اوي ولاقيتها في كتير من الاوقات صح..
يعني ليه لما بنحب حد وبيبقى كل حاجة في حياتنا ونفضل ندي وندي وندي وفجأة الشخص ده يتغير ويدوس على كل الحب والمشاعر والعشرة ويقرر يخرج برة حياتنا، ليه بقى بنفضل نستسمحه ونفكره باللي بينا ونزعل اوي ونتعذب من بعده، وهو ولا هو هنا؟؟؟
ليه لما يقولي هاخرج من حياتك؟؟ ليه ماقولوش استنى هاوقفلك تاكسي؟؟
يعني لو الست خافت على حبها وحافظت عليه والطرف الاخر مش على باله كدة يبقى هي مش عندها كرامة؟؟ ولا من كرامة الست انها تقوله بالسلامة؟؟
في حد منكم اتحطت في الموقف ده؟؟ يعني حبيتى خطيبك او زوجك /خطيبتك _مراتك اوي وفجأة قالك انا هاخرج من حياتك؟؟
واحدة صاحبتك او حد عزيز عليك اوي عمل معاك كدة؟؟
يا ترى كان موقفك ايه؟؟
قلتلة لا هاحارب واضحي علشان الحب والعشرة وكل اللي بينا ولا قلت استنى هاوقفلك تاكسي؟؟؟
ولو لا قدر الله اتحطيت في الموقف ده هتختارايه؟؟ تضحي وتترجي اللي قدامك وتفكره باللي بينكم ولا هتوقفيله تاكسي؟؟

انا فى انتظار ردودكم ومشاركتكم الفعالة

منقوووووووووووووووووول