ملف لجميع حلويات العيد المصريه

السلام عليكم ورحمة الله وبركاتة

ملف لجميع حلويات العيد المصريه Do.php?imgf=klshe.com13141838931

كل عام وانتم بخير وان شاء الله عيد سعيد عليكم ,

فى هذا الملف ملف شامل بجميع حلويات العيد المصرية بطرق مجربة ومضمونة 100% اتمنى ان تستفيدوا منها ان شاء الله

واللى حابب يشارك بأى طريقه من عنده اهلا وسهلا بيه طبعا

وكل عام وانتم بخير

اولا الكحك:

ملف لجميع حلويات العيد المصريه Mol42354_8m

كحك العيد بالبيكنج بودر(بالكوب)
****************************** ********

المقادير‏:

‏ 3كوب دقيق مليان منخول‏ - كوب سمن سايح
‏ كوب الاربع ماء او حليب دافىء
1‏ ملعقة صغيرة بيكنج بودر‏
ذرة ملح
نص‏ ملعقة صغيرة رائحة كعك
ملعقة كبيرة سمسم

الطريقة‏:

ينخل الدقيق ويضاف إليه ذرة الملح والسمسم وريحة الكحك
والبيكنج بودر
يقدح السمن ويضاف إلى الدقيق ويدعك جيدا حتى يختلط السمن
مع الدقيق تماماً.
نضع الماء الدافئ او الحليب وتضاف إلى العجين
و تعجن حتى تكور العجينة وتصبح صالحة للنقش
تشكل كور صغيرة ونضغط عليها قليلا
لتصبح دائرة صغيرة مرتفعة قليلا من الوسط وتنقش
او توضع فى قالب المخصص لأشكال الكحك وتوضع
فى صوانى الخبز.
ثم تخبز فى فرن متوسط الحرارة
وتترك حتى تبرد تماما ويرش عليها السكر البودرة

كحك العيد بالعجمية

[ ملف لجميع حلويات العيد المصريه Kak

كيلو دقيق – 1/2 كيلو سمن
من كوب لكوب ونصف ماء دافىء للعجن
قطعة خميرة بيرة فى حجم عين الجمل
زرة ملح – 2 معلقة ريحة كحك
سمسم – معلقة سكر

الطريقة

ننخل الدقيق في طبق غويط للعجن ..
نعمل حفره في النص نضع فيها السمسم
نقدح السمنه علي النار لغاية ما تتقدح كويس جدا
نحطها علي السمسم ونقلب بملعقه خشب او بالمقصوصة
لماتبرد نبس أو نفرك خليط الكعك بين الإيدين كويس قوي ..
حتي ينعم ويتشبع بالسمنه
-نخمر الخميره مع ملعقه صغيره سكر في شوية ماء دافئ
بعد أن تعلو وترتفع الخميره .. نعجن بيها الكحك .. ونغطيها لتخمر حوالي ساعه
نشكل الكحك كور صغيره ونحشيها إما بالعجميه أوالملبن أوأي نوع مكسرات مفضل
أو حتي بدون حشو وننقشها بالمنقاش أو القوالب الخاصه بالكحك..
نخبزها ولما تبرد نرش عليها سكر بودره

العجمية(1)
-------
كوب عسل نحل
1 ملعقه كبيره سمن
2 ملعقه كبيره سمسم

الطريقة

2 ملعقه كبيره دقيق
نسخن السمن فى مقلاية ثم نضع الدقيق
ويقلب لحد ما لونه يصفر نضيف له السمسم
تقليبه وبعدين ا شيل المقلاية بعيد عن الناروابدء
اضيف العسل واحدة واحدة مع التقليب المستمر وبسرعة
ثم اضعه على النار مع التقليب لحد مايغلى وتتكون عجينة طرية
ماسكة نفسها ونضع ريحة الكحك و أي نوع مكسرات
( بندق - جوز - فسدق )ونتركه يبرد
ونعمل العجمية على هيئة كور فى حجم البندقة بقشرتها
ونحتفظ بها لحين الحشو بها
وعيد سعيد
,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,

العجمية (2)

---------
نص كيلو عسل ابيض
ملعقة كبيرة سمن
2 معلقة كبيرة دقيق
ربع معلقة ريحة كحك
2 معلقة كبيرة سمسم

الطريقة

نسخن السمن فى مقلاية ثم نضع الدقيق
ويقلب لحد ما لونه يصفر نضيف له السمسم
تقليبه وبعدين ا شيل المقلاية بعيد عن الناروابدء
اضيف العسل واحدة واحدة مع التقليب المستمر وبسرعة
ثم اضعه على النار مع التقليب لحد مايغلى وتتكون عجينة طرية
ماسكة نفسها ونضع ريحة الكحك و أي نوع مكسرات
( بندق - جوز - فسدق )ونتركه يبرد
ونعمل العجمية على هيئة كور فى حجم البندقة بقشرتها
ونحتفظ بها لحين الحشو بها

تابعوناااااااااا

المعمول بالجوز

كيلو ونصف سميد - ثلاثة اكواب دقيق
نصف كيلو سمن - كوب سكر
نصف كوب من ماء الزهر
نصف كوب من ماء الورد
كوب ماء
2 معلقة كبيرة خميرة مذوبة في نصف كوب ماء دافىء
ملعقة صغيرة محلب ناعم
سكر ناعم للوش
حشو الجوز
نصف كيلو من الجوز
كوب من السكر
ربع كوب من ماء الورد

: طريقة حشو الجوز

ينظف الجوز ويفرم فرما ناعما
يضاف السكر الى الجوز ويخلط
يضاف ماء الورد الى الجوز والسكر ويخلط

: الطريقة

يوضع السميد في طبق كبير والسكر والمحلب ويخلط جيدا
يضاف السمن الى خليط السميد ويفرك السمن والسميد بين الكفين حتى يخلط جيدا
نضع ماء الورد وماء الزهر على خليط السميد ويخلط باطراف الاصابع بدون عجن
يغطى الطبق ويترك جانبا مدة (6)ساعات
تذوب الخميرة بالماء الدافىء وتترك مدة 20دقيقة
يرش السميد بماء الخميرة وكوب الماء
يفرك خليط السميد والماء بين الكفين مدة عشر دقائق ويترك
مدة ساعة بعد تغطيته
يفرك الخليط باليدين حتى يصبح متماسكا
تقطع عجينة المعمول حسب حجم القالب
توضع كل قطعة عجين في بطن الايد الشمال وتحفر باصبع الايد اليمين بحيث
نعمل تجويف داخل العجينة بالتساوي
تحشى بملعقة صغيرة من خليط الجوز ثم ترد اطراف العجينة فوق الحشو بخفة
توضع القطعة في قالب المعمول ويضغط عليها قليلا
تضرب حافة القالب على حافة الترابيزة علشان تقع المعموله
من القالب نرصص وحدات المعمول في صينية وتترك مدة ساعة
يحمى الفرن مدة ربع ساعة
يخبز المعمول مدة عشر دقائق حتى يصبح لون المعمول ذهبيا
. بعد ان يبرد المعمول نرش السكر الناعم فوقه ويترك ليبرد

المعمول بالتمر

كيلو ونصف سميد - ثلاثة اكواب دقيق
نصف كيلو سمن - كوب سكر
نصف كوب من ماء الزهر
نصف كوب من ماء الورد
كوب ماء
2 معلقة كبيرة خميرة مذوبة في نصف كوب ماء دافىء
ملعقة صغيرة من محلب ناعم
سكر ناعم للوش
حشو التمر
نصف كيلو من التمر بدون نوى
اربع ملاعق طعام من السمن او الزبدة
رشة محلب ناعم
طريقة حشو التمر
يوضع اربع ملاعق كبيرة من الزبدة في وعاء على نار خفيفة
يضاف التمر الى الزبدة ويقلب على نار خفيفة
حتى يصبح طريا متماسكا يسهل عجنه
يرفع عن النار ويترك ليبرد
يعجن التمر مع المحلب ويقطع الى قطع صغيرة

الطريقة

يوضع السميد في وعاء كبير والسكر والمحلب ويخلط جيدا
يضاف السمن الى خليط السميد ويفرك السمن والسميد بين الكفين حتى يخلط جيدا
نضع ماء الورد وماء الزهر على خليط السميد ويخلط باطراف الاصابع بدون عجن
يغطى الوعاء ويترك جانبا مدة (6)ساعات
تذوب الخميرة بالماء الدافىءوتترك مدة 20دقيقة
يرش السميد بماء الخميرة وكوب الماء
يفرك خليط السميد والماء بين الكفين مدة عشر دقائق ويترك مدة ساعة بعد تغطيته
يفرك الخليط باليدين حتى يصبح متماسكا تقطع عجينة المعمول حسب حجم القالب
توضع كل قطعة عجين في بطن الايد الشمال وتحفر باصبع الايد اليمين بحيث
نعمل تجويف داخل العجينة بالتساوي
تحشى بملعقة صغيرة من خليط التمر ثم نلم اطراف العجينة فوق الحشو بخفة
توضع القطعة في قالب المعمول ويضغط عليها قليلا
تضرب حافة القالب على حافة الترابيزة علشان تقع المعمولة من القالب
نرصص وحدات المعمول في صينية وتترك مدة ساعة
يحمى الفرن مدة ربع ساعة
يخبز المعمول مدة عشر دقائق حتى يصبح لون المعمول ذهبيا
. بعد ان يبرد المعمول يرش السكر الناعم فوقه ويترك ليبرد

البيتيفور

بتى فور ناعم

1 و 1/4 كيلو دقيق
3/4 كيلو زبدة
1/4 كيلو سكر بودرة
4 بيضات كاملة صفار 4 بيضات
فانيليا
ربع معلقة بيكنج بودر

الطريقة

نضرب الزبدة كويس جدا لحد ماتنعم
ثم يضاف لها السكرونستمر فى الضرب لحد ماتبيض
يضاف البيض والفانيليا الى الزبدة والسكروتدعك جيدا جدا
بإستعمال اليد نعجن بالدقيق المضاف له البيكنج بودر
نشكل البيتي فوربالقمع على هيئة وردات مدورة او وردات بالطول
او بالماكينة ويخبز في الحال
-لو أردنا عمل بيتي فور بالكاكاو نضيف للدقيق2 ملعقة كاكاو
و ننقص 2ملعقة دقيق منه
بعد ما يطلع ويبرد نزوقة بأفكار كتير زى مثلا نلزق
واحدة الشيكولاته مع واحدة بيضاء او نلزق كل اتنين ابيض مع
بعض ونزوقهم بالشيكولاتة السايحة او نلزق اتنين بالشيكولاتة ونزوقهم
بالشيكولاتة البيضاء

أصابع البتى فور

2 كوب دقيق - كوب سكر
أصبع زبده 113ج
نص ملعقة صغيرة بيكنج بودر
بيضتان - ملعقتان شوكولاتة بودرة
مربى – فستق مطحون للزينة

الطريقة

ينخل الدقيق والبيكنج بودر
-يخفق السكر والزبده حتى يصبح مثل الكريمة
-يضاف البيض للخليط السابق ويخلط
-تضع المقادير الجافة وتعجن
وتقسم العجينة إلى قسمين
ثم تضع على قسم الشوكولاته والقسم الآخر سادة
تشكل بماكينة البسكويت او بالقمع على هيئة أصابع
وتخبز فى فرن هادى حتى تحمر من الأسفل
بعد أن تبرد الأصابع يؤخذ أصبع سادة
ويدهن بالمربى ويلصق فيه أصبع الشوكولاته
ويضع على الأطراف الفستق المفروم

لانكشير

2 معلقة كبيرة دقيق
2 معلقة كبيرة كورن فلور (نشا)
ربع ملعقه صغيرة بيكنج بودر
ملعقة صغيرة فانيليا
2 ملعقة كبيرة زبد
2 ملعقة كبيرة سكر ناعم
بيضة واحدة- فانيليا
للتجميل : مربى – شيكولاتة فرمسيل – مكسرات محمصة مفرية
جوز هند ناعم – نقط الوان طعام صحية

الطريقة

ندعك السمن جيدا ثم نضيف له السكر وندعك كويس
ثم نضرب البيض ونضع علية الفانيليا
ننخل الدقيق والخميرة ونضع علية الكورن فلور ونقلبهم كويس
نضع البيض على السكر والسمنة ونخلط كويس
نضع الدقيق مع التقليب حتى تتكون عجينة متوسطة يسهل تشكيلها
نعمل العجينة كور صغيرة قد البندقة
نرصصهم فى صينية مدهونة ونترك بينهم مسافات
فى فرن متوسط الحرارة لحد ما تستوى
ونتركها تبرد ثم نلزق كل كورتين بالمربى
ونجمل الاجناب داير ما يدور بالشيكولاتة الفارمسيل او المكسرات
او نضع لون احمر على شوية جوز هند فحيحمر ونزوق بة الاجناب
او نضع لون اخضر على شوية جوز هند ونزوق بة الاجناب
ملحوظة: ممكن نقسم العجينة لجزءين او ثلاثة ونضع على كل جزء نقطة
واحدة من اى لون من الالوان الصحية ونضع على الجزء التانى
نقطة من اى لون تانى وهكذا وبعدين نشكل كور من كل لون
ونلزق كرة باللون الاحمر مثلا مع كرة باللون الازرق
او كرة باللون الاخضر مع كرة باللون الاصفر
وفى النهاية حتحصلى على لانكشير ملون مميز

بسكويت النوشادر

1 كيلو دقيق
1/3 كيلو سكر
ربع كيلو سمنه
10ييضات
معلقة فانيليا
1 ملعقه كبيره نوشادر
ملعقة بيكنج بودر
كوب حليب

الطريقه

نضرب البيض جيدا لحد ما يتخن
ندوب النشادر و البيكنج بودر فى الحليب
ثم نضعهم على البيض المضروب
نضع الدقيق على الخليط مع العجن حتى تتكون عجينة صالحة للفرد
نشكل العجينة بالمفرمة بالوش الخاص بالبسكويت على شكل اصابع
يدهن الوجة بالبيض وتخبز فى فرن متوسط الحرارة

بسكويت جوز الهند

2 كوب دقيق
3/4 كوب سمن
3/4 كوب جوز هند ناعم
1 بيضة صفار بيضة
1/2 كوب سكر
معلقة بيكنج بودر
2 معلقة كبيرة حليب
زرة ملح – فانيليا

الطريقة

يضرب السمن جيدا ثم السكر كويس جدا مع بعض
يضاف البيض مع الفانيليا ويستمر فى الضرب
يضاف البيكنج بودر وجوز الهند الى الدقيق مع زرة الملح
يضاف الدقيق الى خليط السمن والبيض والسكر المضروب مع جوز
الهند والحليب تشكل العجينة افرديها بالنشابة و قطعيها دوائر
ضعيهم فى الصينية و دخليهم فرن متوسط الحرارة
حياخد السوى حوالى ربع او تلت ساعة

بسكوت عين الجمل

كوب سمنة
1 ونص كوب دقيق
1/2 كوب سكر بودرة
3 بيضات
فانيليا – بيكنج بودر
عين جمل مجروش

الطريقة

نضرب السمنة كويس جدا ثم نضع السكرالبودرة ونستمر فى الضرب
ثم نضع البيض والفانيليا ونضرب كويس قوىيضاف البيكنج بودر للدقيق
ويضاف الدقيق للخليط وتعجن عجينة متوسطة الليونة
نشكل العجينة وتوضع فى الصينية
وتخبز فى فرن متوسط الحرارة

بسكوت البندق

2 ونص كوب سمنة
2 كوب سكر بودرة
6 كوب دقيق
1 زلال بيضة
بيكنج بودر

الطريقة

نضرب السمنة كويس جدا ثم نضع السكرالبودرة ونستمر فى الضرب
ثم نضرب بياض البيض جيدا ويضاف للسمن
يضاف البيكنج بودر للدقيق ويضاف الدقيق للخليط وتعجن عجينة متوسطة الليونة
نشكل العجينة ويدهن الوش بالبيض وترش بالبندق المجروش ثم تخبز فى فرن متوسط الح

بسكويت اللوز

بياض 2 بيضة
1/2 فنجان كورن فلور
1/2 فنجان سكر
3 معالق لوز مطحون
1/4 معلقة خل

الطريقة

اضرب بياض البيض جيدا ثم اضع السكر و يضرب جيداجدا
ثم يضاف الكورن فلور ثم معلقة الخل ويضرب جيدا
ثم يضاف اللوز المطحون وتشكل العجينة على هيئة اصابع
يدهن الوش بصفار بيض وتدحرج على شرائح اللوز
وتخبز فى فرن متوسط الحرارة لحد مايستوى ويحمر اللوز

انا جيت بس ماجبتش حاجة معايا

جايه عشان اقولكم تسلم ايديكم

وادوق عمايل ايديكم

من طرف **TOTO** السبت 27 أغسطس 2011 - 0:29

ليه كدا يا شوشو يقولوا علينا بخله يا بنتى

طب هاتى معاكى ببس كولا حتى كوبايه ميه يا ستى

سلمت الأيادى مسلمتى & وجع

وكل عيد وكل فينوس بخير

ملف لجميع حلويات العيد المصريه 56023_1253381718

ملف لجميع حلويات العيد المصريه 56023_1253381718

.................

جبتلكوا معايا غريبه

ملف لجميع حلويات العيد المصريه Greba

المقادير

كيلو دقيق
1/8 كيلو سكر بودرة
بيضة – فانيليا
1/2 كيلو سمن
1/2 معلقة صغيرة ممسوحة بيكنج بودر

الطريقة:

نضرب السمن الاول لوحدة كويس
نضع علية السكر ونضربهم كويس مع بعض لحد ما يبقوا
زى الكريمة و لونهم يبقى ابيض نضع عليهم البيضة و الفانيليا
نضع البيكنج بودر على الدقيق و نضع الدقيق شوية شوية
على الخليط السابق الى ان تتكون عندنا العجينة
نشكلها على هيئة كور صغيرة ونضع فى منتصف كل كرة
اما قرنفلة تنغزيها فى العجينة مش حيبقى باين منها الا الوردة
اللى فوق – او نص فستقة – او نص لوزة مقشرة –
او ملبسة فضى اللى بتبقى مدورة زى الكرة و ناشفة و لونها فضى –
او واحدة صنوبر
نرصص الغريبة فى الصوانى و ندخلها الفرن و خلى بالك
ان لونها مش حيتغير انتى ابقى بصى عليها من تحت
حتلاقيها لونها اغمق شوية و مسك نفسة كدة خلاص تخرجيها من الفرن

ملحوظة :

بمجرد ما تطلع الغريبة من الفرن وهى سخنة تكونى مجهزة سكر بودرة
فى مصفاة صغيرة و تروحى رشة عليها مباشرة السكر البودرة وهى سخنة
فى الصينية و بالهنا و الشفا
ملحوظة : معظم الناس بتعمل الغريبة ببياض البيض فقط من غير الصفار لكن انا
بعملها بالبيضة كاملة و التجربة خير برهان

من طرف **TOTO** السبت 27 أغسطس 2011 - 0:35

طريقه اخرى للغريبه

المقادير

1 كيلو دقيق
1 كوب سكر ناعم
3 كوب سمن مجمد
1 بياض بيضه
فانيليا

الطريقة

نضرب السمن الاول لوحدة كويس
نضع علية السكر ونضربهم كويس مع بعض لحد ما يبقوا
زى الكريمة و لونهم يبقى ابيض نضع عليهم البيضة و الفانيليا
نضع البيكنج بودر على الدقيق و نضع الدقيق شوية شوية على
الخليط السابق الى ان تتكون عندنا العجينة
نشكلها على هيئة كور صغيرة ونضع فى منتصف كل كرة اما قرنفلة تنغزيها
فى العجينة مش حيبقى باين منها الا الوردة اللى فوق – او نص فستقة –
او نص لوزة مقشرة – او ملبسة فضى اللى بتبقى مدورة زى الكرة و ناشفة
و لونها فضى - او واحدة صنوبر
نرصص الغريبة فى الصوانى و ندخلها الفرن و خلى بالك ان لونها مش
حيتغير انتى ابقى بصى عليها من تحت حتلاقيها لونها اغمق شوية
و مسك نفسة كدة خلاص تخرجيها من الفرن

من طرف **TOTO** السبت 27 أغسطس 2011 - 0:56

الكوكيــز

المقادير :

- كوب زبدة بحرارة الغرفة
- 3/2 كوب سكر
-1
بيضة
- فانيلا
- 2 كوب وربع دقيق
- 1ملعقة جوز الطيب

مقادير الحشو :

- كوب سكر بودرة
- 1/4 كوب زبدة مذابة
- 4/1 ربع
ملعقة عسل
- 1الى 2ماء حار
- ألوان الطعام للديكور

الطريقة :

* نخلط كوب الزبدة والسكر والبيض
والفانيلا في إناء كبير ونخفق على سرعة متوسطة إلى أن تصبح ذات قوام كريمي .
*
نخفف السرعة ثم نبدأ بإضافة الدقيق وجوز الطيب ونخفق إلى أن تنسجم المقادير جيدا ،
نأخذ من العجينة ونضعها في جهاز الكوكيز (الجهاز الخاص بالبسكويت لي يطلعه على
أشكال متنوعة ) .
* يُرص بعد ذلك في صينية الفرن ويدخل الفرن لمدة 6 إلى 10
دقائق إلى أن يصبح ذا لون بني فاتح .
* نخلط بعض السكر مع 4/1 كوب الزبدة والعسل
والماء الحار .
* يقسم في حالة رغبتنا بإضافة ألوان مختلفة من لون لطعام
وبالفرشاة نمرر هذا الخليط على بسكويت وهو حار (يعني أول ما يطلع من الفرن ) وفي
المنتصف نضع أي نوع من الحلويات أو الشكولاتة .

من طرف **TOTO** السبت 27 أغسطس 2011 - 1:00

ودا يا جماعه

بسكوت بالعجوة

انا عن نفسى بحبه جدااااااااااااااااااا

باكل منه اكل مقولكوش لا بيهمنى وزن يزيد ولايقل

المقادير :

- 3/4 كوب زبده لينة
-3/4 كوب
سكر
- 2 بيض
- 1 ملعقة كبيرة بيكنج بودر
- 5 كوب دقيق
- كوب ونصف لبن
حليب دافئ
- 1 ملعقة كبيرة فانيليا
- عجوة للحشو
- سمسم للتزيين
- بيض
مخفوق للدهن

الطريقة :

* تُخفق الزبدة و السكر جيداً حتى تُصير
هشة كالكريمة.
* يُضاف صفار البيض و يُخفق الخليط جيداً حتى تتداخل
المكونات.
* يُخلط الدقيق و البيكنج بودر و يُضاف الخليط إلى خليط الزبدة مع
العجن الجيد .
* يُضاف لبن الحليب والفانيليا مع العجن حتى نحصل على عجين متماسك
و لين.
* يُفرد العجين على شكل أسطواني مع عمل تجويف به لوضع حشوة العجوة و التي
تكون مبرومة لتأخذ شكل التجويف و يُقفل على العجوة ، و يُقطع العجين حسب الأحجام
المرغوبة بزاوية مائلة قليلاً.
* يُدهن سطح البسكوت بالبيض المخفوق و يُرش عليها
السمسم للتزيين.
* يُخبز في فرن حرارته 180 درجة لمدة 35
دقيقة.

ملف لجميع حلويات العيد المصريه

ملف لجميع حلويات العيد المصريه

رد: ملف لجميع حلويات العيد المصريه

رد: ملف لجميع حلويات العيد المصريه

رد: ملف لجميع حلويات العيد المصريه

رد: ملف لجميع حلويات العيد المصريه

رد: ملف لجميع حلويات العيد المصريه

رد: ملف لجميع حلويات العيد المصريه

رد: ملف لجميع حلويات العيد المصريه

رد: ملف لجميع حلويات العيد المصريه

رد: ملف لجميع حلويات العيد المصريه

رد: ملف لجميع حلويات العيد المصريه

رد: ملف لجميع حلويات العيد المصريه

رد: ملف لجميع حلويات العيد المصريه

رد: ملف لجميع حلويات العيد المصريه

رد: ملف لجميع حلويات العيد المصريه

رد: ملف لجميع حلويات العيد المصريه

رد: ملف لجميع حلويات العيد المصريه

رد: ملف لجميع حلويات العيد المصريه

رد: ملف لجميع حلويات العيد المصريه