جربت احساس الظلم؟

من طرف **layaly** الجمعة 20 مايو 2011 - 2:00

جربت احساس الظلم؟ ميتهيآليش فى حد مجربهوش كلامى النهارده عن ابشع انواع الظلم الظلم لنفسك ظلم لنعم كتير ربنا خصك بيها بذنوب لاهى نفسك فيها ظلم بطاعه بجهل بتآجلها من غير ضمان لايام هتكملها ظلم بدموع من اى جرح فى قلبك مع ان بدعاء بسيط قادر ربك يفرج همك... ظلم بتفاهات كتير شاغل بيها عقلك مع ان سبحانه مهما فكرت هو اللى هيدبر امرك ظلم تفكيرك فى امور دنيا فانيه و سهوك عن كل عمل لاخره باقيه ظلم فضل عظيم ربك بيقدمهولك كل صباح بيوم جديد وفرصه جديده بتلغى معاها كل اللى راح بس انت عارف ممكن ظلمك لنفسك ده يوديك لفين؟ اكيد مكان متتمناش تشوفه عين!!! رساله اوعى تفتكر لحظه انك بعصيانك بتظلم ربك ربك عادل ومش مستنى عدل البشر كفروا بيه سبحانه ولسه هيجى ناس كتير يكفروا ومن زمان بشر كتير بنعمه ليهم مش بيقدروا صدقت ربى لما قولت فى محكم كتابك وما ظلمونا ولكن كانوا أنفسهم يظلمون هقولك كلمه يا تتبعها يا بظلمك لنفسك تهملها نفسك لو اماره بالسوء لجمها ولو لوامه بطاعتك لربك اشغلها بس اوعى اوعى تفكر تظلمها رزقنا الله واياكم نفس لوامه دوما على المعاصى