طريق عمل الفراخ البانية مع لياالي المغرب

بسم الله الرحمن الرحيم
طريقة عمل الفراخ البانية
المقادير..
2 بصلة متوسطة - حوالي ربع كوب لبن _ حوالي 2 ملعقة كبيرة خل - ملح - فلفل - حبهان ( فصوص أو بودر ) - لوري ( ورق او بودر) - بهار - بردقوش - زنجبيل ( بودر ) - توابل الفراخ (بودر ) حسب الرغبة .
ملحوظة : ممكن اضافة ملعقة من الكاتشاب حسب الرغبة .
للتغطية : 2بيضة مخفوقة وعليها رشة ملح ورشة فلفل - بقسماط وممكن وضع كيس خلطة البانيه ( فاين فودز أو اي نوع اخر ) علي البقسماط .

الطريقة :
فرم البصل ناعم ممكن بالمبشرة او في الكبة ، بعد كده نحط علي البصل اللبن والخل وكل التوابل السابقة ونقلبهم كويس ونسيب فيهم الفراخ فترة معقولة علشان الفراخ تتشرب من التتبيلة (حوالي 3 ساعات ومن المفضل من الليلة السابقة مساء )
نسخن الزيت علشان يكون درجة حرارته مناسبة يعني يكون وسط ، بعد كده نحط الفراخ في البيض وبعدين البقسماط وبعد كده في الزيت طبعا لحد ما يبقي لونها جميل .
وبالهنا والشفا ويا رب تعجبكم ( علي فكرة اللبن والخل بيخلوا الفراخ طرية زي الزبدة ) .
وبالهنا والشفا
تحياتي
لياالي المغرب

[