* عمر الراوى.....الضيف الثالث فى كرسى الاعتراف*

بـــسم الله الرحمن الرحيم

كيف الحال؟ ان شاء الله تكون بالف خير, الآن حان دوري في تقديم الأسئلة أتمنى ان تكون مرتاحا للاجابة عليها. أبدأ بسم الله:

1/ ماهو هدفكـ في هذه الحياة؟

ان احسن تربيه اولادى والنجاح والتقدم فى عملى

2/ماهو أسوء موقف مرّ بحياتكـ ؟

موقف سىء جدا لدرجه انى مقدرش احكيه

3/من الشخص الذي تثق فيه أشدّ الثقة؟؟؟ امى وزوجتى

4/كلمة**عتاب*** لمن تهديـــــها؟؟؟ لقلبى.... ايا قلب الم يكفيك عناد وتشكو منك الجوارح

5/في هذه السنة: ماهو الخبر الحزين و المفرح الذي سمعت به و شدّ انتباهكـ؟؟؟

الخبر الحزين فقدت شخص عزيز لدى والمفرح يوم رزقنى الله بيارا

6/جائزة أحسن أخلاق,طلبوا منك اعطائها لعضو أو عضوة بهذا المنتدى, لمن تقدمها؟

اعطيها لكل شخص دخل المنتدى بقصد العطاءوالاستفاده

7/ماهي الأمنية التي كنت تتمنى أنّ تتحقق, ولكن للأسف لم يكتبها الله لكـ؟

كنت اتمنى احج العام الماضى لكن مفيش نصيب

8/ماهي الكلمة التي تريد قولها أمام العالم بأسره؟ احبك...... لزوجتى

9/ماهو أفضل فصل عندك من خلال الفصول الأربعة؟؟؟ولماذا تفضله؟

الصيف لانه حيوى وبسهر فيه وانا بحب السهر


10/ كيف كانت طفولتك ياترى؟ احك عليها في سطر واحد

كنت هادى لحدالاعدادى وبعدها شقاوه المراهقه لكن والدى لحقنى وشغلنى بالعمل معه مع الدراسه طبعالم يكن لدى الوقت لاى شىء

حسنا الأن تمت الأسئلة البسيطة بحمد الله تعالى, تقبل مني اسمي عبارات الاحترام و التقديـــر.

حبيبىىىىىىىىى

أنا جيت عمورةةةة ... عساك بخير يارب

مش هاتقل عليك

اهـــــــــــــــلا يا عمنا اسألتك شبهك



1- احكيلنا باختصار عن طفولتك وايه اكتر حاجة أثرت فيك ؟؟

اولا عمرى كان ممنوع اللعب فى الشارع مع العيال

كنت بتفرج عليهم من البلكونه اوقات كنت بنزل من ورا والدى

لما اتحايل على امى شويه وطبعا اتقفشت مره وكلت علقه

ومش مسموح ان هدومى تتوسخ زى الاطفال حسيت بطعم الطفوله

لما اخواتى كبرو شويه وبقينا نلعب سوا جتك البلا قلبت عليه المواجع

اكتر حاجه اثرت فيه جدى هو اكتر الناس كنت بحس معاه انى طفل لان والدى كان دايما بيزرع فيه المسئوليه وانى لازم ابقى راجل حتى وانا عندى 7 سنين بأختصار نوووو طفوله




2- امتى أول مرة دق قلب عمر الراوى ؟؟ وبلاش خفة غير يوم ولادتك طبعا

ههههههههههههههههههه اول مره تحب يا قلبى كانت زميلتى

وكنت عاوز اتجوزها على طووووووول طبعا ابويا

رفض لان البنت معجبتوش وراحت لصاحب نصيبها وبصراحه بعد كده اتاكدت انه مش حب

3- احكيلنا عن شريكة حياتك وازاى اتقابلتم وايه الصفات اللي شدتك لها

ممممم حتى انت يا برونس

زوجتى هى حبى الحقيقى اولا هى بنت صديق والدى
وتقريبا كانت دايما عندنا مع اخواتى لكن انا عمرى ما بصتلها لانى مقدرش

اول حوار بينا او بمعنى اصح اول مره عينى تتأملها كان يوم خطوبه اختى

يومها لقيت انى اعمى القلب والنظر لانى ضيعت وقت كبييير

من غير ما يكون معايا نصفى الجميل الرقيق وشدنى جدا

اسلوببها الظريف فى الكلام وروحها الحلوه وخفه دمها بصراحه

كنت عاوز اضربنى عشان غبى لانها كانت بتحبنى وانا زى الاعمى

وبحمد ربنا انى فتحت قبل ما تكون لغيرى لانها كل حياتى

الصديقه والام والزوجه الصالحه ربنا يحفظها ليه



4- يوم فرحك ... موقف محرج اتعرضت له

ان الفرقه اللى بتزفنا طلبت من زوجتى انها ترقص وانا واقف ولا كأنى موجود

وهى رايحه معاهم عادى زى اى عروسه عايزه تفرح بس انا قلبت على موجه الاعصار

وجبتها من ايدها وطبعا منعتها ولو كانت اصرت كانت هاتروح ويضرب اليوم


5- ياترى اتعرضت في يوم للـ نشل ( السرقة يعنى ) وياريت بالتفصيل

يا رخمتك يا جدع لازم تفكرنى انت فضيحه

اتسرقت يا عم من كام يوم جزمتى اتسرقت اديداس


وربنا ما لحقت البسها غير كام مره حسبنا الله ونعم الوكيل غاليه اوى يا عموووو

بس انا عرفت مين اللى خدها اكيد الزبااااااااااااال ودينى لوريه


6- مين مثلك الأعلي ... وايه اتعلمت منه ؟؟؟

مثلى الاعلى والدى عمل اسم ونجح فى حياته العمليه والشخصيه

واتعلمت منه كتير فى حياتى العمليه وبتعجبنى شخصيته القويه رغم انه بيشدنى كتير

ومقدرش اتصرف بدون الرجوع ليه

- تحب المال أكتر والا الصحة ؟؟ ( سؤال محرج أنا عارف )

ولا محرج ولا حاجه




اولا انا احب الصحه طبعا الفلوس هاتفيدنى بايه لو مريض هاصرفها على مرضى

وفنفس الوقت ابحث عن المال بصحتى لانه وسيله لحياه افضل ولكنه لم يكن ابدا غايتى




8- امتى بدأت حياتك العملية ؟؟؟ وياترى شغلك الوقتى هو غاية طموحك ؟

بدءت حياتى العمليه من ثانوي كنت بشتغل مع والدى

باجر 150 فى الشهر فى الاجازات واوقات اثناء الدراسه

لا طبعا انا طموحى اكبر واتمنى اتوسع فى عملى

لكن حكم القوى على الضعيف



- احكلنا عن ( ألم ) اتلطشته سواء علي غفلة أو بترتيب مسبق ومش

مهم ابدا نوع الألم حريمى والا رجالى ... اياك تكذب أنا شايفك


يا مين يناولنى رقبتك

الم حريمى خسئت مجربتش لحد دلوقتى

انه ليس الم ولا المين بل 4 وكانت رجالى ورجالى اوى كمان

وكنت وانا كده راجل طول الباب اتلطشت المين من والدى على غفله وربنا يكرمك باتنين زيهم يا اوزو



وكمان ايه قدام مراتى شوفت الفضايح ادعى عليك بايه يا مسيحلى


10- واحد عزمك عنده ... ومش هتدفع حاجة يعنى نايم قايم واكل شارب

من الذوق تقبل دعوته والا تطنش وتعمل من بنها ؟؟؟

ما يا جدع اللى مخوفنى انى مش هادفع حاجه اصل اللى عزمنى من دمياااااااااط


- لو نفس الواحد ده عزمك عنده وحط ادامك حتتين لحمة واحدة كبيرة

وواحدة صغيرة ومفروض انك هتاكل حتة واحدة ... تاكل اييييييييه

تفتكر هايحط حتتين لحمه عينى فى عينك كده


عموما هاكل الحتتين عشان احسره عليهم



اصل لو اكلت الكبيره هايقول طفس ولو كلت الصغيره مراته

هاتقول مش عاجبه الاكل انا اكلهم واريح دماغى وعزومه واتحسبت عليه

- عموما الواحد ده سافر خلاص ومش راجع تانى لحد ماتنسي انه عزمك

طيب يا عم يرجع بالسلامه بس انا كنت عاوز اروحله عزوه نبقى خمسه احسن من اربعه

بسم الله الرحمن الرحيم:

أسأل أنا الآن :

1-هل أنت من الناس التي تحب اختراق المجهول؟ جداااااا وبشكل غير عادى

2-شو أهم شيئ يلزم يكون في حياتك؟ اولادى

3-لو فعلت أسرة منتدى فينوس العرب احتفال, و طلبوا منك تقديم اعز هديتيين لعضو و عضوة وهدا اجباري عليك الاختبار لتقديمهما, لمن تقدم الهديتيين؟؟؟ولمادا؟ ازويريس & اسيل

4- مارايك في المقولة التالية: الصديق وقت الضيق. اعتقد انها موجوده بحياتنا بشكل مصغر ولكن يزال هناك موجود صديق وقت الضيق

5- ماهو أفضل نوع من اللباس تحبه؟؟؟ الكاجوال

6-هل تحب أن تفرض رأيك الخاص بقوة على شخص ما؟ احيانا لكن على شخص يخصنى

7-ماهو البلد الأجنبي الدي تحبه؟لمادا؟ باريس او المانيا

تم.

اشكرك هند على تواجدك الراقى

كل عام وانتى بخير